Efla hreinsun á gangstéttum í bænum og á öllum bílaplönum við stofnanir á vegum Fljótsdalshéraðs (bæði vegna snjós og hálku): Moka gangstéttir daglega, eftir að búið er að moka götur (snjó oft rutt af götum á gangstéttir). Moka og sanda gangstéttir og bílaplön í hálku, alla daga. Moka allar gangstéttir. Dæmi um stíga sem hafa ekki verið mokaðir: við Seyðisfjarðarveg ofan Einbúablár, frá strætóskýli ofan við Litlu-Skóga að AB varahlutum og meðfram því húsi. Merkja betur gangbrautir á sumrin.
Fróðlegt væri að vita hvort sveitarfélög bera einhverja ábyrgð ef fólk slasar sig til dæmis á bílaplani við Íþróttamiðstöðina á Egilsstöðum.
Mikilvægt er að moka snjó af gangstígum ekki síður en götum. Einnig þarf að bregðast við hálku með meiri söndun.
Í tíðarfari eins og nú þegar skiptist á hláka og snjókoma er hálkan lúmsk. Suma daga hefur snjór fallið á glæruna og færið verður ennþá verra.
This content is created by the open source Your Priorities citizen engagement platform designed by the non profit Citizens Foundation