Óskað er eftir vegaþrengingu og gangbraut á vegarkaflanum við Álfaheiði 1-15. Göngustígar eru staðsettir sitt hvoru megin við veginn þar sem mörg ungmenni eiga leið sína á hverjum degi í grunnskóla og leikskóla. Því miður hafa íbúar margoft orðið vitni að of hröðum akstri ökutækja við götuna. Hér hefur skapast mikil slysahætta, sérstaklega í hálku og skammdegismyrkri. Íbúar í hverfinu vilja með þessari beiðni auka öryggi ungmenna og lágmarka hættu á slysi eins og mögulegt er.
Hér hefur skapast mikil slysahætta, sérstaklega í hálku og skammdegismyrkri þar sem ökumenn eru oft með augun annars staðar en á veginum. Erindið var lagt fyrir umhverfis- og samgöngunefnd Kópavogsbæjar fyrir tæpu ári síðan. Málið fékk góðar undirtektir en var ekki samþykkt. Hér er gerð önnur tilraun til að endurvekja þetta mikilvæga verkefni. Meðfylgjandi er hlekkur á undirskriftarlista íbúa hverfisins þar sem tæplega 100 íbúar undirrituðu: https://listar.island.is/Stydjum/91
This content is created by the open source Your Priorities citizen engagement platform designed by the non profit Citizens Foundation